Сириядағы алты жылғы соғыста қаза болғандардың саны жарияланды
Сирияның Адам құқығы инспекторлары Сириядағы алты жылғы соғыста 320 000-нан астам адамның қаза болғанын, олардың ішінде 96000-нан артығының әскери емес қарапайым халық болғанын жариялады.
ИСНА ақпарат агенттігінің мәліметі бойынша, Лондонда орналасқан Сирияның Адам құқығы инспекторлары орталығының басшысы Рами Абдул Рахман Сириядағы алты жылдық соғыста 321 358 адамның өлімінің тіркелгеніне тоқталып: «Желтоқсанның 30-ында Сирияның негізгі майдандарында атыс тоқтатылғаннан кейін орта есеппен қаза болғандардың саны азайды»,- деді. Рами Абдул Рахман атысты тоқтату келісіміне қарамастан қарулы адамдардың бұл келісімді бұзуды жалғастыруына сілтеме жасап: «Қаза болған 96000 әскери емес адамның ішінде 17400 бала және шамамен 11000 әйел бар. Бұл мәлімет әскери емес қарапайым халықтың Сирия соғысының негізгі құрбандары екенін көрсетіп отыр" деді.
Сирияның Адам құқығы инспекторлары орталығының желтоқсанның 13-і күні жариялаған алғашқы мәлімет бойынша кемінде 312000 адам қаза болған. Олардың 90000-нан артығын әскери емес адамдар құраған.
http://parstoday.com/kk
